Астанада тоғыз қабатты тұрғын үйде өрт шықты
Астана қаласы Сарыарқа ауданындағы Жеңіс даңғылы бойында орналасқан тоғыз қабатты үйдің екінші қабатындағы пәтерлердің бірі өртке оранды.
Астана, NEGE. Құтқарушылар өрт кезінде 12 адамды құтқарып, 25 адамды эвакуациялады, деп хабарлайды Төтенше жағдайлар министрлігі.
«ТЖД күштерінің келіп жетуі бойынша екінші қабатта балкон және терезе ойығының жанғаны анықталды. Құтқарушылар жоғарғы қабаттардан 25 адамды эвакуациялады. Сонымен қатар, 12 адам, оның ішінде 9 бала арнайы құтқару маскаларының көмегімен құтқарылды», – делінген хабарламада.
Өрт сөндірушілер 20 шаршы метр аумақты қамтыған өртті толық сөндіріп, өрттің әрі қарай таралуына жол бермеді. Зардап шеккендер жоқ.
