Астанада терроризмге қарсы оқу-жаттығуға байланысты қозғалыс шектеледі
Елордалық терроризмге қарсы күрес жөніндегі жедел штаб өкілдері 13 қараша сағат 9.00 мен 18.00 аралығында терроризмге қарсы жоспарлы оқу-жаттығу өтетінін хабарлады.
Астана, NEGE. Қазақ ұлттық спорт университетімен бірлесіп өтетін іс-шарада құқық қорғау органдары және арнайы қызмет күш-құралдарының терроризм қауіптеріне қарсы жедел әрекет ету дайындығы тексерілмек.
«Оқу-жаттығу аясында "Қазақ Ұлттық Спорт Университеті" ЖШС аумағында белгілі деңгейде тыйымдар мен жаяу жүру және көлік қозғалыстарына уақытша шектеулер енгізу қарастырылған», – делінген орталық хабарламасында.
Осыған байланысты терроризмге қарсы күрес жөніндегі жедел штаб елордалықтарды өтіп жатқан шараға түсінікпен қарауға, қауіпсіздік шараларын сақтауға, мемлекеттік органдар қызметкерлерінің заңды талаптарын орындауға шақырады.