Астанада такси жүргізушісіне жол ақысын төлемей, алдап кеткен жолаушы табылды
Полиция такси жүргізушісіне жол ақысын төлемеген жолаушыны анықтады.
Алматы, NEGE. Әлеуметтік желіде елорда тұрғыны жариялаған видео кең тараған болатын.
Ол бейтаныс жігіттің әкесін алдағанын, бизнес-такси қызметіне тапсырыс беріп, қаланы аралағаннан кейін ақшасын төлемей кеткенін баяндаған.
Полиция көп ұзамай жолаушыны анықтады. Ол келтірілген залалды толығымен өтеп, кешірім сұрады. Жәбірленуші тарап арыздан бас тартты. 22 жастағы жолаушының бұрын да алаяқтық жасағаны белгілі болды.
Такси жүргізушісі тәртіп сақшыларына алғыс білдірді.