Астанада такси жүргізушісі адамдарды тасып жүріп, үзілісте есірткі жасырып келген
Елорда полицейлері "есірткі жасырған" такси жүргізушісін ұстады. Жедел іс-шаралар барысында елордада есірткі заттарын заңсыз сатумен айналысқан 35 жастағы ер адам ұсталды.
Алматы, NEGE. Елорда полицейлері "есірткі жасырған" такси жүргізушісін ұстады. Жедел іс-шаралар барысында елордада есірткі заттарын заңсыз сатумен айналысқан 35 жастағы ер адам ұсталды.Такси жүргізушісінің автокөлігінен полицейлер шамамен 50 түйіншек мефедрон тәркіледі.
"Анықталғандай, күдікті жолаушыларды тасымалдаумен қатар, интернет-мессенджерлер арқылы тапсырыс алып, "тауарды" жеткізіп отырған. Ол есірткіні алғаннан кейін қаладағы түрлі аудандарға такси тапсырыстары арасындағы үзілісте "жасырып" кеткен", - дейді полиция.
Ер адамға қатысты қылмыстық іс қозғалып, ол уақытша ұстау изоляторына қамалды.
Полиция есірткіні заңсыз сақтау, тарату және делдалдық жасау қылмыстық жауапкершілікке әкеп соғатынын еске салады.