Астанада шапан киген ер адам мешіт жамағатын пышақпен қорқытқан (видео)
Астанада шапан киген ер адамның мешіт жамағатына пышақ сермеп қорқытқан видеосы тарады.
Астана, NEGE. Тексеру барысында ер адамның психикалық дертке шалдыққандардың есебінде тұрғаны анықталды.
Әлеуметтік желде тараған видеодан шапан киген ер адамның полиция қызметкерлерін өзіне жақындатпай тұрғанын байқауға болады. Куәгерлердің айтуынша, ер адам өзінің бетін пышақпен жарақаттаған.
«Оқиға орнына полиция жасағы дереу келді. 36 жастағы күдікті жедел түрде ұсталып, полиция бөліміне жеткізілді. Одан қолдан жасалған пышақ тәркіленді. Тексеру барысында ұсталған адамның 2006 жылдан бастап психоневрологиялық диспансерде есепте тұрғаны анықталды», - делінген полиция хабарламасында.
Қазіргі уақытта қылмыстық іс қозғалып, оқиғаның мән-жайы тексеріліп жатыр.