Астанада психоневрологиялық диспансерде есепте тұрған жасөспірім 5 жасар баланы пышақтап кетті
Әлеуметтік желіде елордадағы тұрғын үй кешендерінің біріндегі лифт ішінде бес жасар балаға медициналық бетперде таққан жасөспірімнің пышақ жарақатын салған видеосы тарады
Алматы, NEGE. Аталмыш дерекке қатысты Астана қалалық полиция департаменті пікір білдірді.
«Оқиғаны тергеу барысында психоневрологиялық диспансерде есепте тұрған жасөспірім анықталды. Оның заңды өкілдері полицияға шақырылды. Олар тәлім-тәрбие беру міндеттемелерін дұрыс орындамағаны үшін заңнамаға сәйкес қатаң жауапкершілікке тартылады», — деп атап өтті полиция.
Сондай-ақ, құзырлы орган зардап шеккен баланың ауруханаға жатқызылғанын, оған қажетті медициналық көмек көрсетіліп жатқанын атап өтті.
Аталған факті бойынша қылмыстық іс қозғалды.
