Аймақ
Астанада Павлодар облысының ауыл шаруашылығы жәрмеңкесі өтіп жатыр
17–18 қазан күндері елордадағы «Қазанат» ипподромында Павлодар облысының ауыл шаруашылығы жәрмеңкесі ұйымдастырылды. Мұнда азық-түлік нарықтағы орташа бағадан 10–15 пайызға арзан сатылып жатыр.
Астана, NEGE. Жәрмеңкеге Павлодар, Ақсу, Екібастұз қалалары мен облыстың 10 ауданынан 80-нен астам өндіруші қатысуда. Олар елорда тұрғындарына 615 тоннаға жуық азық-түлік әкелген.
Павлодар облысы әкімінің баспасөз қызметінің арнасы
Соның ішінде 440 тоннасы – картоп, көкөніс пен бақша өнімдері, ал 102 тоннасы – ет. Бұдан бөлек, жәрмеңкеден сүт, балық, шұжық, бал, ұн және макарон өнімдерін сатып алуға болады.
Павлодар облысы әкімінің баспасөз қызметінің арнасы
Павлодар облысы әкімдігінің мәліметінше, тұрғындар азық-түлікті делдалсыз, тікелей өндірушілерден сатып ала алады.
Павлодар облысы әкімінің баспасөз қызметінің арнасы
Жәрмеңке аясында мәдени бағдарлама да ұйымдастырылған. Келушілер Г. Н. Потанин атындағы музейдің көрмесін тамашалап, өңір өнерпаздарының концертін көре алады.