Астанада мерекелік отшашу ұйымдастырылады
6 шілдеде Астанада мерекелік отшашу ұйымдастырылады — қала тұрғындары мен қонақтары оны Ботаникалық бақ маңында OPEN AIR концерті аяқталғаннан кейін тамашалай алады, деп хабарлады әкімдіктен.
Алматы, NEGE. Әкімдіктің хабарлауынша, Астанада елорда күніне орай мерекелік салют атылады. Фейерверк демеушілік қаражат есебінен ұйымдастырылады.
Отшашудың басталу уақыты – шамамен сағат 23:00. Ол отандық эстрада жұлдыздары өнер көрсететін мерекелік OPEN AIR концертінен кейін Ботаникалық бақ аумағында атылады.
Еске салайық, 6 шілдеде Қазақстанда Елорда күні мерекесі тойланады. Бұл мерекеге орай Астанада жыл сайын жүзден астам әр түрлі бағыттағы іс-шара өтеді. Биыл да қала тұрғындары мен қонақтарына арнап ерекше оқиғалар, концерттер, шоулар, қойылымдар, акциялар, көрмелер, спорттық турнирлер және тағы басқа шаралар ұйымдастырылады.
