Астанада LRT-нің Қосшы бағытындағы екінші кезеңінің құрылысы басталды
Астана әкімдігі LRT жобасының екінші кезеңін Қосшы қаласы бағытына іске асыру аясында алғашқы тірекке бетон құю жұмыстарының атқарылғанын хабарлады.
Астана, NEGE. Сондай-ақ Астана қаласындағы бетон зауытында желінің эстакадалық бөлігіне арналған алғашқы темірбетонды құрастырмалы арқалық дайындалды.
«Қосшы қаласы бағыты бойынша барлығы 300-ден астам тірек тұрғызылып, 538 темірбетонды құрастырмалы эстакадалық арқалықты пен 8 монолитті арқалық салу жоспарланған», – делінген хабарламада.
Айта кетейік, бұған дейін қала әкімі Жеңіс Қасымбек елордадағы LRT мамыр айының ортасына қарай іске қосылуы мүмкін екенін айтқан еді. Сонымен қатар әкімдік билет құнын 200 теңге деп белгілеуді ұсынған.
