Астанада лифт құлап бір адам қаза тапты
Астанада лифт құлап, бір техникалық қызметкер қаза тапты. Тағы екі адам жарақат алған.
Астана, NEGE. Қалалық полиция департаменті аталған оқиғаға қатысты қылмыстық іс қозғалғанын хабарлады.
Оқиға кезінде лифт ішінде бірнеше техникалық қызметкер жөндеу жұмыстарын жүргізіп жатқан.
Апат салдарынан бір адам қаза тауып, тағы екі жұмысшы түрлі жарақаттармен ауруханаға жеткізілді. Қазіргі уақытта оқиғаның мән-жайы анықталып жатыр, – деп мәлімдеді полиция департаменті.
Әлеуметтік желіде аталған оқиға Төлебаев 5 мекен-жайында орналасқан «Арыстан» тұрғын үй кешенінде болғаны айтылуда.
Тергеу амалдары жүргізіліп жатыр.
