Астанада лауазымды тұлғаның қателігінен педагогтер әлеуметтік аударымнан қағылған
Прокуратура мәліметінше, қызметкерлер еңбек сіңірген жылдары үшін зейнетке шыққандар қатарына емес, жасына байланысты зейнетке шыққандар қатарына енгізілген.
Астана, NEGE. «Алматы» аудандық прокуратурасы білім беру ұйымдарының бірінде төрт қызметкерге әлеуметтік аударымдар жүргізілмегенін анықтаған.
«Бұған аталған мамандардың қателікпен жасына байланысты зейнеткерлер санатына жатқызылуы себеп болған. Алайда бұл қызметкерлер еңбек сіңірген жылдары үшін зейнетақы алады және қолданыстағы заңнамаға сәйкес міндетті әлеуметтік сақтандыруға жатады», – делінген қадағалаушы орган таратқан хабарламада.
Осы қателіктің салдарынан 2023–2025 жылдар аралығында әлгі қызметкерлер үшін Мемлекеттік әлеуметтік сақтандыру қорына аударымдар жасалмаған.
«Прокуратураның араласуынан кейін заң бұзушылықтар жойылды: қызметкерлердің құқықтары қалпына келтіріліп, 909 936 теңге көлемінде әлеуметтік аударымдар төленді», – деп хабарлады прокурорлар.
Ал кінәлі лауазымды тұлға тәртіптік жауапкершілікке тартылды.
Қазір оқып жатыр
Абай облысында жүргізуші куәлігін алуға көмектескен лауазымды тұлғалар ұсталды
30 маусымда қос Палатаның бірлескен қорытынды отырысы өтеді
«Van Cleef алқасын, Dior сөмкесін пара ретінде алған»: Кореяның экс-бірінші ханымы тағы 7 жыл арқалады
Бейбіт Құсайынов: Қазақстанда екінші орын алсаң, «бірінші орын алдым» деп есептей беруге болады
