30 Тамыз 15:12
...

Астанада Конституция күніне арналған концерт өтті

Астана
Фото: NEGE

30 тамыз күні Астанада Сарыарқа ауданы әкімдігі мен аудандық ардагерлер кеңесінің ұйымдастыруымен ҚР Конституциясының 30 жылдығына арналған мерекелік концерт өтті.

АСТАНА, NEGE. Шараға 60-тан астам ардагер қатысты. Концертте түрлі этно-мәдени орталықтар мен шығармашылық ұжымдар өнер көрсетті.

Астана
Фото: NEGE

Атап айтқанда, «Шаңырақ» әжелер ансамблі, Беларусь этно-мәдени орталығының «Радима» ансамблі, «Камажай» би тобы, «Веселка» ансамблі мен «Радуга» орыс әндері ансамблі көрерменге өнерлерін тарту етті.

Астана
Фото: NEGE

Бағдарлама барысында Нұрболат Бекетаев жетекшілік ететін «Дэнс» би тобы, Роза Набиулина, «Дуслык» халық ансамблі, «Ялкын» тобы және тағы да басқа өнер ұжымдары сахнаға шықты. Ән мен биден өрілген мерекелік кеш қала тұрғындары мен қонақтарына ерекше көңіл-күй сыйлады.