Астанада ет өнімдерін сатуға көмектесемін деп жеткізушілерді алдаған ер адам ұсталды
Астана қаласының полицейлері бірқатар алаяқтық жасады деген күдікпен 37 жастағы ер адамды анықтады, деп хабарлайды Polisia.kz.
Алматы, NEGE. Астанада ер адам ет өнімдерін сатуға көмектесемін деп жеткізушілерді алдаған. Жедел-іздестіру іс-шаралары барысында “Байқоңыр” ауданының полиция қызметкерлері бірқатар алаяқтық жасады деген күдікпен 37 жастағы ер адамды анықтады. Қаскүнем ірі қара малын сатуға көмек ұсынып, ет жеткізушілерді алдағаны анықталды. Мал сатып алу сылтауымен ол жәбірленушінің 1 млн теңге көлеміндегі ақшалай қаражатын иемденген.
Қазіргі уақытта полицияға 37 азамат арызбен жүгінген, бірақ зардап шеккендер одан да көп болуы мүмкін. Алаяқтық жасады деген күдікті кінәсін мойындады және қамауға алынды. Бірнеше рет алаяқтық жасағаны үшін ер адамға қатысты тергеу амалдары жүргізіліп жатыр. Сондай-ақ елорда аумағында жасалған осыған ұқсас қылмыстарға қатысы бар-жоғы тексеріледі.
Полиция атап өткендей, бұл қылмыс үш жылдан жеті жылға дейінгі мерзімге бас бостандығын шектеуге немесе сол мерзімге бас бостандығынан айыруға жазаланады.
Қазір оқып жатыр
«Псевдо ұлт деу – артық»: депутат Танакөз ақынның жазбасы жайлы
«Ертең мың адам тағы барады»: Депутат шетелде соғысқан қазақстандықтарға жазаны жеңілдетуге қарсы
Ескертуді елеместен Таяу Шығысқа кеткен қазақстандықтар жауапқа тартыла ма?
Маңғыстаулық Ұлы Отан соғысының ардагері бейбітшілікті бағалап, болашақ үшін дұрыс таңдау жасауға шақырды
