30 Қаңтар 14:33
...
Астанада ер адам итті көлікпен сүйреген
Желіде итті көлікпен сүйреп бара жатқан тұрғынның видеосы тарады.
Астана, NEGE. Telegram-дағы Astanovka 98 арнасының жазуынша, бұл оқиға 29 қаңтар күні түскі уақытта Арнайы ХҚКО аялдамасы маңында болған. Видеоны куәгерлер түсіріп алған. Бірақ жүргізушінің жануарды қанша жер және қанше уақыт сүйреткені белгісіз.
Қалалық полиция департаментінің хабарлауынша, итті көлікпен сүйреген 41 жастағы ер адам анықталған. Ол үй жануарларын ұстау және серуендету қағидаларын бұзғаны үшін әкімшілік жауапкершілікке тартылған.
Иттің иесі бұл әрекетін жануарды осы тәсілмен серуендеткенін және ең төменгі жылдамдықпен жүргенін айтып түсіндірген.
Оның айтуынша, жануар әрі қарай жүруден бас тартқан соң ол итті көліктің жүксалғышына салып алған.
