Астанада экс-министр Қуандық Бишімбаевтың ісі бойынша алдын ала тыңдау басталды
Астана қаласының қылмыстық істер жөніндегі мамандандырылған ауданаралық сотында Ұлттық экономиканың бұрынғы министрі Қуандық Бишімбаев пен оның туысы Бақытжан Байжановқа қатысты сот отырысы басталды.
Астана, NEGE. NEGE тілшісі сот залына БАҚ өкілдерін кіргізбей жатқанын хабарлады. Журналистерге сот барысын экран арқылы ғана бақылауға рұқсат етілген. Алайда, БАҚ өкілдері ашық сот екенін тілге тиек етіп, сот залына кіруді талап етіп жатыр.
Қылмыстық іс бойынша алғашқы сот отырысына Салтанат Нүкенова мен Қуандық Бишімбаевтың туыстары келді.
Сот залына Қуандық Бишімбаевтың өзі де жеткізілді.