Астанада аялдама маңынан ер адамның мәйіті табылды
30 желтоқсанда қаладағы А-108 көшесіндегі автобус аялдамасы жанынан өтіп бара жатқан адамдар сол маңда ес-түссіз жатқан ер адамды байқап қалған.
Астана, NEGE. Оқиға орнына жеткен жедел жәрдем бригадасы ер адамның қайтыс болып кеткенін анықтаған.
Марқұмның денесі полиция қызметкерлеріне тапсырылды.
Бұған дейін әлеуметтік желіде марқұмның көктайғақта тайып құлағаны жөнінде ақпарат тараған. Алайда қала әкімдігінің баспасөз қызметі бұл ақпаратты жоққа шығарды.
Nege.kz мән-жайды білу үшін қалалық полиция департаментіне сауал жолдады.