Астанада ауыр атлетикадан жасөспірімдер мен жастар арасында Азия чемпионаты басталды
4–10 шілде аралығында Астанада ауыр атлетикадан жасөспірімдер мен жастар арасында ұлдар мен қыздар санаты бойынша Азия чемпионаты өтуде. Жарыс «Qazaqstan» жеңіл атлетикалық спорт кешенінде өтеді.
Алматы, NEGE. Турнирге Өзбекстан, Қытай, Үндістан, Вьетнам, Таиланд, Оңтүстік Корея, Кувейт және өзге де Азияның 25 мемлекетінен 300-ден астам спортшы қатысуда. Қазақстан атынан 36 спортшыдан құралған құрама бақ сынауда. Бұл – чемпионатқа қатысып жатқан барлық елдер арасындағы ең ірі делегация.
Жарыс Халықаралық ауыр атлетика федерациясының (IWF) ережелеріне сәйкес өтеді. 17 мен 20 жас аралығындағы спортшылар жұлқа көтеру, серпе көтеру және қоссайыс бойынша сынға түседі.
Көрермендер үшін кіру тегін.