Астанада алты шетелдік адам ұрлаған
Астанада Орталық Азия мемлекеттерінің бірінің алты азаматына қатысты адам ұрлау және өз бетінше билік ету баптарымен қозғалған қылмыстық іс бойынша үкім шықты.
Астана, NEGE. Қалалық прокуратураның мәлімдеуінше, 2024 жылғы 9 желтоқсанда шетелдіктердің бірі жәбірленушіден орындалмаған қызмет үшін ақша талап етіп, күш қолданып, оны 80 мың теңге аударуға мәжбүрлеген.
«Кейін алдын ала сөз байласқан адамдар тобы пайдакүнемдік ниетпен күш қолдану арқылы жәбірленушіні Астана қаласының аумағында ұрлап әкеткен», – делінген хабарламада.
Адам ұрлаған шетелдіктерге қатысты Астана қаласының қылмыстық істер жөніндегі ауданаралық сотының үкімі биыл 5 ақпанда шыққан. Олардың бесеуі адам ұрлағаны үшін 8 жылға бас бостандығынан айырылды. Топтың бір қатысушысы адам ұрлауға көмектескені және өз бетінше билік еткені үшін 7 жыл 6 айға бас бостандығынан айырылды.
Қазір оқып жатыр
Алматы және Алматы облысында электр энергиясы тарифін 8,3%-ға көтеру ұсынылды
Әбілқасымованы отставкаға жіберу туралы петицияға агенттік жауап берді
Таиландтан сәлемдеме алып жүрген алматылық жігіт 16 жылға сотталды
Ресейде кәмелетке толған азаматтарға әке-шешесін ата-ана құқығынан айыруға рұқсат етілмек
