Астанада Абайдың нақыл сөздері жазылған стендті бүлдірген ер адам ұсталды
Астанада Абайдың нақыл сөздері жазылған стендті бүлдірген ер адам ұсталды, деп хабарлайды Polisia.kz.
Алматы, NEGE. Елордада Сығанақ көшесіндегі аллеяда 49 жастағы ер адам конструкцияны сындырған және ұлы қазақ ақыны Абай Құнанбаевтың нақыл сөздері жазылған плакатты жыртып тастаған. Ол өз әрекетімен қоғам мен мәдени құндылықтарға ашық түрде құрметсіздік танытып, көрнекті тарихи тұлғаның рухына нұқсан келтірді.
Мұндай қадам қоғамда наразылық тудырып, мәдени мұра нышанын қорлау ретінде бағалануы мүмкін.
Аталған факт бойынша құқық бұзушыға қатысты әкімшілік хаттама толтырылды.
Сот шешімімен ол 20 тәулікке қамалды.