Астанада 15 жастағы жасөспірім іздестіріліп жатыр
Ішкі істер министрлігі елорданың 15 жастағы тұрғыны Қамбар Мәлібекке іздеу жариялады.
Астана, NEGE. Ведомство мәліметінше, жасөспірім 15 наурыз күні Астана қаласындағы үйінен шығып кетіп, қайта оралмаған.
«Белгілері: бойы – шамамен 160–165 см. Дене бітімі – орташа. Киімі – қара күртеше, қара шалбар, қара аяқ киім», – делінген хабарламада.
Полиция жоғалған жасөспірім туралы қандай да бір ақпарат болса, 8-775-817-16-32, 8-705-311-78-53 нөмірлеріне немесе «102» желісіне шұғыл хабарлауды сұрайды.
