Астанада 15 наурыз күні қоғамдық көлікпен тегін қатынауға болады
Республикалық референдум өтетін 15 наурыз күні елордада қалалық, экспресс және қала маңындағы автобус бағыттарында жол жүру тегін болады.
Астана, NEGE. Бұл күні қала тұрғындары мен қонақтары қоғамдық көлікпен ақысыз қатынай алады, деп хабарлайды қала әкімдігі.
Қоғамдық көлік белгіленген кестеге сәйкес штаттық режимде – сағат 06:00-ден 23:00-ге дейін жұмыс істейді.
Ал 16 наурыздан бастап қоғамдық көлік қалыпты режимде қызмет көрсетеді.
Осындай науқан Алматы, Шымкент қалаларында да жарияланды.