Астанада 1-сыныпқа құжат қабылдау басталды
Астанада 27 мамыр күні қала бойынша 1-сыныпқа құжат қабылдау басталды.
Астана, NEGE. Қалалық әкімдіктің мәліметінше, құжаттар офлайн және онлайн форматтарда қабылданып жатыр. Онлайн қабылдау жүйесі тұрақты жұмыс істеп тұр.
Құжаттар 27 мамыр мен 31 тамыз аралығында қабылданады.
1-сыныпқа қабылдау үшін қажетті құжаттар тізімі:
- ата-анасының немесе заңды өкілінің өтініші;
- №065/у нысанындағы медициналық анықтама;
- №052-2/у нысанындағы баланың денсаулық паспорты;
- 3×4 см өлшеміндегі 2 фотосурет.
Оқу-ағарту министрлігі жариялаған мәлімет бойынша өңірлердегі 1-сыныпқа құжат қабылдау мерзімдері:
- 27 мамыр – 31 тамыз:
Астана қаласы, Абай, Жетісу, Қызылорда және Батыс Қазақстан облыстары. - 10 маусым – 31 тамыз:
Алматы қаласы, Ақмола, Ақтөбе, Жамбыл және Шығыс Қазақстан облыстары. - 18 маусым – 31 тамыз:
Шымкент қаласы, Алматы, Қостанай, Павлодар және Атырау облыстары. - 29 маусым – 31 тамыз:
Түркістан, Маңғыстау, Қарағанды, Солтүстік Қазақстан облыстары және Ұлытау облысы.
Құжаттарды электрондық үкімет порталында тіркелу арқылы OQU платформасы арқылы онлайн форматта, сондай-ақ білім беру ұйымдарына тікелей жүгіну арқылы тапсыруға болады.
