Астана полицейлері күшейтілген режимде жұмыс істейді: Қалаға блокбекеттер қойылып жатыр
Полиция бақылауды күшейтіп, Қарағанды, Қосшы, Көкшетау, Павлодар, Қорғалжын, Астраханка бағыттарынан және әуежайдан кіреберіске 7 блокбекет қойылды.
Алматы, NEGE. «31 қазанда сағат 8:00-ден бастап қаланың периметрі бойынша Қарағанды, Қосшы, Көкшетау, Павлодар қалаларының, сондай-ақ Қорғалжын, Астраханка кенттері бағыты бойынша және халықаралық әуежайға кіреберісте (қала жағынан) азаматтардың құжаттарын, сондай-ақ автокөліктерде тыйым салынған заттардың бар-жоғын тексеру үшін блокбекеттер қойылып жатыр», – делінген хабарламада.
Оған шет мемлекеттер басшылары қатысатын ірі қоғамдық-саяси іс-шаралардың өтуі себеп болып отыр.
