Астана мен Ташкент арасында жаңа әуе рейсі қатынайды
Қазақстандық FlyArystan лоукостері шілде айынан бастап Астанадан Ташкентке тікелей рейсті іске қосады.
Алматы, NEGE. "3 шілдеден бастап біз Астана мен Ташкент арасындағы тікелей рейстерді жүзеге асырамыз. Рейстер Airbus A320 бортында дүйсенбі және сәрсенбі күндері ұшады", - деп хабарлады әуе компаниясы.
Билет құны 21 800 теңгеден басталады, деп нақтылады тасымалдаушы.
Бұған дейін Алматы - Ашхабад, Астана мен Бішкек және Алматыдан Қытайдың Чэнду қаласына тікелей әуе рейстері ашылатынын хабарланған болатын.