Astana LRT ісі: Талғат Ардан мен Қанат Сұлтанбеков қайда жүр?
Astana LRT ісіне қатысты күдікті Талғат Ардан мен Қанат Сұлтанбековтің қайда жүргені туралы ақпарат бар. Бұл туралы ҚР Сыбайлас жемқорлыққа қарсы іс-қимыл агенттігі 2-департаментінің басшысы Сергей Перов айтты, деп хабарлайды ҚазАқпарат.
Алматы, NEGE. «Бұл іс қазіргі уақытта сотта қаралып жатыр. Сотталушылар қатарында 7 адам бар, процесс жан-жақты хабарланып отыр. Екі тұлғаны, атап айтқанда Талғат Ардан мен Қанат Сұлтанбековті іздеу жалғасып жатыр. Оны халықаралық ынтымақтастық аясында жүргізудеміз. Күдіктілердің жүрген жері туралы алдын ала ақпарат бар. Ол - алыс шетел. Интерпол елімізден тысқары жерде жасырынып жүрген күдіктілерді іздеп жатыр», - деді Сергей Перов агенттіктің алқа отырысы аясында БАҚ өкілдеріне берген сұхбатында.
Еске сала кетсек, өткен жылы Сыбайлас жемқорлыққа қарсы іс-қимыл агенттігінің 1-ші департаментінің аса маңызды істер жөніндегі тергеушісі Данияр Бекайдаров «Астана LRT» компаниясы бойынша іс сотқа жолданғанын хабарлаған еді.
