Астанада жүк контейнері жарылды
«Қазақстан темір жолы» ұлттық компаниясының хабарлауынша, 14 ақпанда сағат 00:30-да Астана станциясының сұрыптау жолында платформадағы контейнерде жарылыс болған.
Алматы, NEGE. Астана қаласы ТЖД-ның нақтылауынша, бұл Сарыарқа ауданы Гёте көшесіне жақын жер. Оқиға орнына дереу құтқарушылар келді. Өрт болған жоқ.
«Бір адам жарықшақтан қолын аздап кесіп алды. Жедел медициналық жәрдем бригадасы оқиға орнында көмек көрсетті, ауруханаға жатқызу қажеті болмады», делінген хабарламада.
Бастапқы мәлімет бойынша контейнерде электр жабдықтары (трансформатор, генератор) болған. Контейнердің жеке компанияға тиесілі екендігі анықталды.
Қазір уәкілетті орган өкілдері тергеуді бастады.
Қазір оқып жатыр
Демалыс күндері ел аумағында қатты жаңбыр жауып, жел күшейеді, үсік жүреді
Журналист Ботагөз Омароваға қатысты қылмыстық іс тоқтатылды
6 өңірден салымшы тартқан: Таразда Еnvida ai қаржы пирамидасын құрушылар тексеріліп жатыр
«Бетінің сау тамтығы қалмаған»: Түркістан облысында бес жасар қызды ит талады
