Астана тұрғыны танысының сеніміне кіріп, 1 млн теңгеге тауарлық несие ресімдеген
Танысының сеніміне кіріп 1 млн теңгеге тауарлық несие ресімдеген елордалық ұсталды, деп хабарлайды Polisia.kz.
Алматы, NEGE. Астанада алаяқтық дерегі бойынша 29 жастағы азамат қолға түсті. Ол өзінің танысының сеніміне кіріп, оның телефонын заңсыз пайдалану арқылы банктен шамамен 1 миллион теңгеге жуық тауарлық несие рәсімдеген.
Күдіктіні анықтап, ұстау бойынша жедел-іздестіру іс-шараларын Сарыарқа аудандық криминалдық полиция бөлімінің қызметкерлері жүргізді. Нәтижесінде күдікті ұсталып, қамауға алынды. Тергеу барысында ол өз кінәсін толық мойындады.
Қазіргі уақытта аталған факт ҚР Қылмыстық кодексінің 190-бабы бойынша сотқа дейінгі тергеудің бірыңғай тізіліміне тіркеліп, тергеу амалдары жүргізілуде.