Астана соты Нұрсұлтан Назарбаевты бар байлығынан айырудан бас тартты
Қазақстан азаматы Қайыргелді Смағұлов елдің бұрынғы президентін сотқа беріп, оның барлық мүлкі мен активтерін мемлекет пайдасына тәркілеуді талап етті. Nege.Aqsha істің мән-жайын анықтады.
Алматы, NEGE. Оның айтуынша, Назарбаев президент лауазымын атқара отырып, өзінің әрекеті мен әрекетсіздігі арқылы «барлық адамзатқа өлім қаупін төндірді», сондықтан ол 30 жыл ішінде сатып алған барлық активін қайтаруы керек.
Алайда бірінші және екінші инстанция соттары «Қазақстан Республикасының Президенті туралы» заңның 36-бабына сүйене отырып, оның талабын қанағаттандырудан бас тартты, оған сәйкес Назарбаев тек мемлекетке опасыздық жасағаны үшін ғана жауапқа тартылуы мүмкін. Ол президенттік өкілеттіктерді жүзеге асыруға байланысты әрекеттері үшін жазаланбайды.
«Назарбаев Н.Ә. экс-президент ретінде (қол сұғылмайтын) болып қалады және тек мемлекетке опасыздық жасағаны үшін азаматтық-құқықтық жауапкершілікке тартылуы мүмкін, сондықтан сот Қазақстан Республикасы Президентінің өкілеттіктерін жүзеге асыру кезіндегі әрекеттеріне байланысты талап-арызды қабылдаудан бас тартты», - делінген сот хабарламасында.