Астана әуежайы 8,3 миллионыншы жолаушыны қарсы алды
Бүгін Астана халықаралық әуежайы 8,3 миллионыншы жолаушыға қызмет көрсетті. Бұл — Астана әуежайы үшін рекордтық көрсеткіш және тарихи оқиға.
Алматы, NEGE. Әуежайдың баспасөз қызметінің мәліметінше, бұл жолаушы LO195 рейсімен Варшавадан Астанаға ұшып келген.
«Астана халықаралық әуежайы жылдан-жылға әлемдік авиациялық қоғамдастықта өз маңыздылығын дәлелдеп келе жатыр. 2024 жылы біздің әуежайдан Сеул, Гоа, Фукуок, Пхукет, Абу-Даби, Сиануквилл, Милан, Прага және Минералды Суларға тұрақты рейстер ашылып, жаңартылды. Өткен жылы біз 7,5 миллион жолаушыға қызмет көрсетсек, биыл жолаушылар ағынының өсімі 10% құрап, 8,3 миллионға жетті», — деді әуежай басқарма төрағасы Юсуф Альжавдер.
Астана әуежайынан күн сайын орта есеппен 200-ден астам рейс орындалады. Бұл елорданың туристік және іскерлік бағыт ретінде дамып жатқанын көрсетеді.