Assystem Қазақстан үшін АЭС салуға халықаралық консорциум көшбасшысын іріктеу бойынша әдістемені әзірледі
Assystem — ядролық инжиниринг саласындағы әлемдік тәуелсіз компаниялардың бірі — Қазақстанның атом-энергетикасы бағдарламасын қолдау үшін «Қазақстандық атом электр станциялары» ЖШС-нің (ҚАЭС) техникалық кеңесшісі болып тағайындалды.
Алматы, NEGE. Assystem компаниясы АЭС жобасын жүзеге асыру үшін инжиниринг, жоба басқару және құрылыс жұмыстарын кешенді түрде ұсына отырып, олардың сапасын қадағалап, ҚАЭС-тің техникалық кеңесшісі ретінде қызмет атқарады.
Assystem-нің тәжірибесі Біріккен Араб Әмірліктері, Сауд Арабиясы, Түркия сияқты елдердегі ірі атом жобаларында қалыптасқан. Assystem халықаралық атом энергетикасы саласында теңдесі жоқ тәжірибе алып келеді. Сонымен қатар, Assystem Франция мен Ұлыбританияның ұлттық атом бағдарламаларын үйлестіруде жетекші орын алады.
Қазақстанда атом энергетикасын дамыту –«Қазақстан-2050» Стратегиясының бір бөлігі. Оның мақсаты электр энергиясының қазіргі уақытта шамамен 70 %-на тең көмір мен мұнайға тәуелділікті азайтып, баламалы көздерден электр энергиясын өндіру үлесін 50 %-ға дейін жеткізу. 2025 жылдың басынан бастап Assystem озық халықаралық тәжірибе негізінде үлес қосып, АЭХА ұсынымдарына (NP-T-1.10) сәйкес технологияларды таңдау үшін ҚАЭС әдіснамасын жетілдіруді қолдайды.
«Біз Қазақстанмен оның жаңа атом энергетикалық бағдарламасы аясында ынтымақтастық орнатқанына қуаныштымыз. Assystem командасы осындай маңызды бағдарламаға қатысуға қуанышты және оның АЭХА және ҚАЭС талаптарына сәйкес келетін қауіпсіз әрі тиімді жүзеге асырылуына ерекше назар аударады», – дейді Assystem Group Бас директорының орынбасары Стефан Обарбье.
Assystem – атом энергетикасы саласындағы әлемдегі жетекші тәуелсіз инжинирингтік компаниялардың бірі, тұрақты энергетикаға көшуді жеделдетуге ұмтылады. Қауіпсіздік пен қорғанысқа қатаң талаптары бар жоғары реттелетін салаларда 55 жылдан астам тәжірибесі бар, күрделі инфрақұрылымдарды өмірлік циклының барлық кезеңдерінде пайдалану тиімділігін арттыру үшін инжиниринг, жобаларды басқару және цифрлық шешімдер ұсынумен айналысады.
Assystem компаниясының 12 елдегі 8 000 сарапшысы энергетикалық ауысымды іске асыруға атсалысуда. Қолжетімді әрі төмен көміртекті энергиямен қамтамасыз ету мақсатында компания төмен көміртекті генерацияны (атомдық және жаңартылатын энергетика, электр желілері) және таза сутекті дамыту бағыттарын белсенді ілгерілетіп жатыр.
Сонымен қатар, топ төмен көміртекті электр энергиясын өнеркәсіптік салаларға енгізуге ықпал етуде. Бүгінде Assystem ядролық энергетика саласындағы әлемдегі үш ірі инжинирингтік компанияның қатарына кіреді.
