Әскери колледжде 1-курс студенті кезекшілік кезінде өзіне оқ атып, қаза тапты

Алматы, NEGE. «13 ақпанда Ш.Уәлиханов атындағы Әскери колледжде 1-курс кадеті тәуліктік кезекшілік міндетін өтеуге кірісу барысында бекітілген қарудан өз-өзіне оқ атып, мерт болды. Осы факт бойынша қылмыстық іс қозғалды», – делінген қорғаныс министрлігінің ресми мәлімдемесінде. Қорғаныс министрлігі басшылығы және әскери колледждің жеке құрамы кадеттің отбасы мен жақындарына қайғысына ортақтасып, көңіл айтады», – делінген хабарламада.

Оқиғаның себебі мен мән-жайы анықталып жатыр. Тергеу мүддесіне сәйкес басқа ақпарат жария етілмейді.