Әскери қызметшілерге тұрғын үй төлемдерін жеке депозиттік шотқа аударуға тыйым салынады
Құқық қорғау органдарының қызметкерлеріне және әскери қызметшілерге тұрғын үй төлемдерін жеке депозиттік шотқа аударуға тыйым салынады. Енді тұрғын үй төлемдерінің шектік сомасы 90 шаршы метрге дейінгі тұрғын үй алаңының көлемімен есептеледі.
Алматы, NEGE. Жалға алу төлемдері 8 жылға дейін ғана беріледі. Бұл ретте мүлікті қызметкердің өзінің және оның жұбайының жақын туыстарынан жалға алуға тыйым салынады. Ал жалдау шартын уәкілетті органда міндетті мемлекеттік тіркеуден өткізуі керек.
Ай сайынғы тұрғын үй төлемдерінің көлемі ипотекалық негізгі борыш сомасынан аспайтын мөлшерде беріледі. Егер ерлі-зайыптылардың екеуі де қызметкер немесе әскери қызметші болса, онда тұрғын үй төлемдері олардың біреуіне ғана таңдау бойынша төленеді. Төлемдерді үйді жөндеуге пайдалану мүмкіндігі алынып тасталады. Осылайша, тұрғын үй төлемдеріне шығыстарды оңтайландыру арқылы 26 млрд теңгеден астам қаржы үнемделеді.
Аталған түзетулер тек 2025 жылдың 1 шілдесінен бастап жұмысқа қабылданған қызметкерлер мен әскери қызметшілерге қатысты болады.
Қазір оқып жатыр
ҰҚК әзілкеш Нұрлан Сабуровқа қатысты жүргізілген тексеру нәтижесін жариялады
Дүниежүзілік көшпенділер ойындарына жауапты болған Наиль Нұров қамауға алынды
Астананың жылу, электр және су желілері 4,5 млрд теңгеден астам қаржыға жаңартылмақ
«Челсиге» ауысатын Дастан Сәтпаев 17 маусымда «Қайрат» сапындағы соңғы матчын өткізеді
