Әскери қызметшілер енді пойызбен тегін қатынай алады
1 қаңтардан бастап барлық күштік құрылымның әскери қызметшілері мен олардың отбасы мүшелері жылына бір рет ел аумағында жолаушылар пойызымен тегін қатынай алады, деп хабарлайды Polisia.kz.
Астана, NEGE. ІІМ өкілдерінің түсіндіруінше, бұл бастама әскери қызметшілердің әлеуметтік жағдайын жақсартуға және олардың отбасымен бірге сапарлау мүмкіндігін арттыруға бағытталған.
Бұл жеңілдік тек Қазақстан ішіндегі бағыттарда қатынайтын жолаушылар пойыздарына қолданылады. Ал шығын «Қазақстан темір жолы» ұлттық компаниясының қаражаты есебінен өтеледі.
Ведомствоның нақтылауынша, бұл әлеуметтік қолдау әскери қызметшілер мен олардың отбасы мүшелерінің әлеуметтік қорғалу деңгейін арттыруға, демалысты алдын ала жоспарлауға және жол шығындарын едәуір азайтуға мүмкіндік бермек.