Әскерден қашқан сарбаздар ұсталды
Әскери бөлімді өз бетімен тастап кеткен сарбаздар табылды.
Алматы, NEGE. Қорғаныс министрлігі таратқан мәліметке сенсек, Қарағанды облысында әскери бөлімнен кетіп қалған сарбаздар табылған.
Жедел-іздестіру шаралары барысында мерзімді қызметтегі әскери қызметшілердің жүрген жері белгілі болды. Қазіргі уақытта әскери қызметшілер ұсталды.
Аталған фактіге қатысты қызметтік тергеу жүріп жатыр. Еске сала кетейік, 8 ақпанда Қарағанды гарнизонында мерзімді қызметтегі екі әскери қызметші әскери бөлімді өз еркімен тастап кеткені хабарланған еді. Қолдарында қару болмаған.
Оқиғаны тергеу нәтижесі бойынша кінәлілер қатаң жауапкершілікке тартылады.
