Асқазан қатерлі ісігінің төрт белгісі қандай?

Алматы, NEGE. Британдық зерттеушілер асқазан қатерлі ісігінің алғашқы төрт белгісін атап өтті. Бұл туралы Daily Express Cancer Research UK мәліметтеріне сілтеме жасап хабарлады. Мәселен, жұтыну кезіндегі және асқазан жұмысындағы проблемаларға назар аударған жөн. Тағы бір белгісі себепсіз салмақ жоғалту және ентігу болуы мүмкін. Алайда, егер бұл жағдайлар уақытша болса және іштің айналасы ауырмаса немесе жүрек айнымаса, онда алаңдауға ешқандай себеп жоқ екендігі атап көрсетілген.

Ғалымдар осыған ұқсас белгілер кәдімгі ас қорыту жүйесіндегі бұзылушылықтардан зардап шегетін адамдарда байқалатынын түсіндірді. Оның себебі ащы және майлы тағамдарды тұтыну, шамадан тыс тамақтану, сондай-ақ кофеин, газдалған сусын, шоколадты көп ішу, антибиотиктер қабылдау немесе темекі шегу болуы мүмкін.