Асыл діннің уағыз-насихаты шатқаяқтап бара ма?
Осы күні ел ішінде өмірімнің мәні тек уағыз тыңдау деп, одан өзге ештеңе қызықтырмайтын адамдар жоқ дей алмаймыз. Ал сол уағыздар не деп жатыр? Уағызды кімдер айтып жүр?
Мұндай сұрақтарға қоғамда секем ала қараушылық бар екені рас. Себебі барлық жерде бірдей шын имани, шын адами уағыздар естіле бермейді. Кейде онша қисынға келіңкіремейтін әдепсіз уағыздарды да адамдардың құлағы шалып қалады. Осы мәселеге жақында NEGE.kz жаңалықтар порталы назар аударған екен. Порталдың бас редакторы Ерік Рахым Астанада «Қазақстан қоғамында уағыз айтудың әдебі мен мәдениеті» деп аталатын уағызшылардың тұңғыш форумы өткенін сөз ете отырып, өзі куә болған бір уағыздың хикаясын ұсынған.