Ашық аспан астындағы кинотеатр ұйымдастырылады
Елордада 17 және 22 тамыз аралығында даладағы авто-кинотеатр форматында болатын Nur-Sultan Auto-cinema Festival іс-шарасы қайта жанданады. Авто-кинотеатр аумағына келушілер санитарлық нормаларды ұстануы тиіс, деп хабарлады елорда әкімдігінің ресми сайты.
Алматы, NEGE. Аталған іс-шара «Astana Arena» стадионының Қабанбай Батыр даңғылына қарайтын көлік тұрағында өтеді. Фестивальде қала тұрғындары мен қонақтары дала кинотеатрын тегін көре алады және шетелдік немесе отандық кино картиналарды тамашалай алады. «Авто-кинотеатр аумағына келушілер барлық санитарлық норманы ұстануы тиіс, өзімен бірге медициналық бетберде мен қолғаптардың болуы керек, әлеуметтік арақашықтықты ұстанған жөн», - деді ұйымдастырушылар. Іс-шара 6 күнге созылады және әр күн сайын 2 көрсетілімнен жүріп отырады. Бірінші көрсетілім сағат кешкі 20:30-да басталса, екінші көрсетілім сағат 22:30-да басталады.
