Әсем Нүсіпова ҚР денсаулық сақтау вице-министрі қызметінен босатылды
Қазақстан Республикасы Үкіметінің қаулысымен Әсем Бекқызы Нүсіпова басқа жұмысқа ауысуына байланысты Қазақстан Республикасының денсаулық сақтау вице-министрі қызметінен босатылды, деп хабарлайды ҚР Премьер-Министрінің Баспасөз қызметі.
Алматы, NEGE. Әсем Нүсіпова 1975 жылы Алматы қаласында дүниеге келген.
1996 жылы Әл-Фараби атындағы Қазақ мемлекеттік ұлттық университетін, 1998 жылы осы университетте магистратураны бітірген.
2001-2003 жылдары — Қауіпсіздік Кеңесінің экономикалық қауіпсіздік мәселелері жөніндегі бөлімінің бас сарапшысы, ҚР Президенті Әкімшілігінің жүйелі зерттеулер орталығының сарапшысы, сектор меңгерушісі.
2003-2007 жылдары ҚР қаржы министрінің кеңесшісі, ҚР Премьер-Министрінің кеңесшісі, ҚР Премьер-Министрі Кеңсесінің қорытынды сараптау бөлімінің меңгерушісі болып жұмыс істеді.
2007-2008 жылдары — ҚР денсаулық сақтау вице-министрі.
2008-2016 жылдары — «ҚазТрансОйл» АҚ бас директорының экономика және қаржы жөніндегі орынбасары.
2016-2019 жылдары — Шығыс Қазақстан облысы әкімінің орынбасары.
2020 жылғы қазаннан бастап қазіргі уақытқа дейін — ҚР денсаулық сақтау вице-министрі.