Asar Baspana қаржы пирамидасы бойынша іс сотқа жолданды
Алматы қаласының прокуратурасы Asar Baspana қаржы пирамидасы қызметіне қатысты іс бойынша тергеп-тексеру аяқталғанын хабарлады.
Астана, NEGE. Прокуратура мәліметінше, пирамида 2023 жылдан 2025 жылға дейін Қазақстанның барлық аумағында тұтыну кооперативі ретінде әрекет еткен.
Ресми дерек бойынша, қаржы пирамидасы қызметіне 90 мыңнан астам азамат тартылған және олар 25 млрд теңгеден астам қаржы салған.
«Бұл ретте ақша қаражаты көптеген жағдайда жеке кәсіпкерлердің бақылаудағы шоттары арқылы қолма-қол ақшаға айналдырылып, ұйымдастырушылар жеке мақсаттарына пайдаланған, ал қаражат қылмыс іздерін жасыру мақсатында әдейі есепке алынбаған.
Қылмыстық іс сотқа жолданды», – деп хабарлады қадағалаушы орган өкілдері.
Қала прокуратурасы азаматтарды қырағы болуға, жылдам және кепілдендірілген табыс табу туралы уәделерге сенбеуге шақырады.
