Аса ірі көлемде алаяқтық жасаған әйел Қырғызстаннан экстрадицияланды
Қазақстан Республикасының Бас прокуратурасы Қазақстан азаматшасын аса ірі көлемде алаяқтық жасағаны үшін қылмыстық жауаптылыққа тарту мақсатында Қырғыз Республикасынан экстрадициялады.
Алматы, NEGE. Аталған тұлға 2023 жылдың маусымында Алматы қаласындағы банктердің біріне клиенттердің атынан олардың банктік шоттарына тіркелген абоненттік нөмірлерін өзгерту туралы хабарламалар жіберіп, осылайша банк шоттарына қол жеткізген. Осыдан кейін күдікті 5 жәбірленушінің шотынан «дропперлердің» банктік шоттарына ақша аударып, олардың қаражатын иемденген. Оның қылмыстық әрекеттерінің салдарынан жәбірленушілерге 230 миллион теңгеден астам шығын келтірілген.
2025 жылдың қаңтарында ол Бішкек әуежайында ұсталып, Қазақстан Республикасы Бас прокуратурасының сұрауы бойынша Отанына экстрадицияланды. Қазір күдікті уақытша ұстау изоляторына қамалды.
Айыпталған қылмысты жасағаны үшін мүлкі тәркіленіп, бес жылдан он жылға дейінгі мерзімге бас бостандығынан айыру жазасы қарастырылған.
Қазір оқып жатыр
БҚО-дағы Қазақстан-Ресей шекарасында жүк көліктері кептелісі 35 шақырымға жеткен
Шығыста мемлекетке 1,2 млрд теңге залал келтірген компания басшысы іздестірілуде
Чайлдфри шариғатта құптала ма: ҚМДБ үкімі жарияланды
Қазақстанда төрт фармацевтикалық компания қолдан жасалған, қауіпті дәрілер сатып келген
