Арулар 8 наурызға орай Президент қабылдауында болмайды
Президент Қасым-Жомарт Тоқаев Халықаралық әйелдер күніне орай салтанатты жиын мен мерекелік концерт өткізбеу туралы шешім қабылдады.
Алматы, NEGE. Бұл туралы Мемлекет басшысы Twitter желісіндегі парақшасында жазды.
«Халықаралық әйелдер күніне орай Нұр-Сұлтан қаласында жоспарланған салтанатты жиын мен мерекелік концертті өткізбеу жөнінде шешім қабылдадым .Бұл әлемде коронавирустың таралуына байланысты қауіпсіздік шарасы үшін жасалып отыр. Ардақты аналар мен аруларға зор денсаулық, бақ-береке тілеймін», – деп жазды Президент.