Арнайы қаптың ішінде отырып концерт көруге болады екен
АҚШ-та жергілікті музыкалық топтардың бірі пандемия кезіндегі концерт
тің қалай өтетінін көрсетті, деп хабарлайды «Хабар 24».
Оклахома-Сити, NEGE. Оклахома-Сити қаласында өткен концертте барлық санитарлық талап сақталған. Келушілер де, тіпті музыканттар да арнайы пластик қаптың ішінде отырған. Оған 3 адамнан артық кіруге болмайды. Музыканы жақсы есту үшін әр қаптың ішінде динамик орнатылған. Одан бөлек көрермендерге желдеткіш, шөлмектегі су және сүлгілер де ұсынылды. Әр қаптың арасында қауіпсіз арақашықтық сақталған. Сөйтіп, концертке бас-аяғы 300 адам жиналыпты.
