Арқалықта прокурордың орынбасары этика нормаларын бұзғаны үшін қызметінен босатылды
Қостанай облысы прокуратурасының өз қауіпсіздігін қамтамасыз ету бөлімі Арқалық прокурорының орынбасарына қатысты тексеру жүргізді.
Алматы, NEGE. Тексеру нәтижесінде қала прокурорының орынбасары этикалық нормаларды бұзғаны үшін қызметінен босатылды.
Ақпаратты Қостанай облысының прокуратурасы растады.
«2024 жылғы 26 қарашадағы тексеру қорытындысы бойынша Кенжеғарин прокурор қызметінен босатылды. Оған қатысты қылмыстық іс қозғалған жоқ. Қызметкер құқық қорғау органдары қызметкерлерінің Әдеп кодексінің 7-тармағының 1 және 6-тармақшаларының талаптарын бұзғаны үшін жұмыстан босатылды. Ол азаматтардың дұрыс бағаламауынан қызметкердің өзінің де, тұтастай алғанда прокуратураның да беделіне нұқсан келтіруі мүмкін қызметтегі мінез-құлқына қатысты қызметтен кетті», - деді Қостанай облысы прокурорының бірінші орынбасары Бауыржан Бекбосынов.
