Арыстанбек Мұхамедиұлы 146 миллион теңге жымқырды деген күдікке ілінді
Нұр-Сұлтан қалалық сыбайлас жемқорлыққа қарсы қызметі ҚР Ұлттық музейінің лауазымды тұлғаларына қатысты бюджет қаражатын жымқыру белгілері бойынша сотқа дейінгі тергеу амалдары жүргізіліп жатыр, деп хабарлайды Zakon.kz.
Алматы, NEGE. 2022 жылғы 28 мамырда соттың санкциясымен Ұлттық музей директоры Арыстанбек Мұхамедиұлына қатысты «күзетпен ұстау» бұлтартпау шарасы таңдалды.
«Нұр-Cұлтан қаласы бойынша Сыбайлас жемқорлыққа қарсы қызмет «Алтын адамның әлем музейлеріне шеруі» халықаралық көрмесін өткізу жөніндегі мемлекеттік сатып алу туралы шарт аясында Қазақстан Республикасы Ұлттық музейінің лауазымды адамдарына және басқа да тұлғаларға бюджет қаражатын жымқыру белгілері бойынша 146 миллион теңге сомасында сотқа дейінгі тергеп-тексеруді жүргізеді», - деді Антикор.
Тергеу жалғасуда.
Тергеу мүддесіне сай басқа ақпараттар жария етуге жатпайды.
