Арыстанбек Мұхамедиұлының 1,2 миллиард теңге тұратын спорт мектебі мемлекет меншігіне қайтарылды
Экс-Мәдениет министрі Арыстанбек Мұхамедиұлына тиесілі су және қолданбалы спорт түрлері бойынша Республикалық жоғары спорт шеберлігі мектебі мемлекет меншігіне қайтарылды.
Алматы, NEGE. Мүліктің құны – 1,2 млрд теңге. Оны сатып алған кезде бағасы 551 миллион теңгеге төмендеген.
«17.07.2024 жылы Алматы қаласының Мамандандырылған ауданаралық экономикалық сотының су және қолданбалы спорт түрлері бойынша Республикалық жоғары спорт шеберлігі мектебін сату жөніндегі мәмілені жарамсыз деп тану туралы шешімі заңды күшіне енді. Cотта нысанның нарықтық құнын 551 млн теңгеге төмендетіп, заң бұзғаны расталды», – делінген хабарламада.
Әкімшілік ғимараттардың, спорт залдарының және басқа да құрылыстардың 7,6 мың м2, сондай-ақ 4,9 га болатын мектептің мүлкіне, А. Мұхамедиұлымен аффилиирленген тұлғаларға тиесілі «Nomad's Land» ЖШС иелік еткен.
