Арыстағы жарылыстың соты басталды
Арыстағы оқ-дәрі қоймасында болған алапат жарылысқа қатысты сот отырысы басталды.
Алматы, NEGE. Айыптылар орындығында Қорғаныс министрлігінің бір топ қызметкері бар. Оларға әскери қызметіне салғырттық таныту, оқ-дәрі пайдалану мен оны қолданудағы талаптарды сақтамау, сеніп тапсырылған мүлікті талан-таражға салу секілді бірнеше айып тағылған, деп хабарлайды Еуразия бірінші арнасы.
Арыстағы оқ-дәрі қоймасындағы жарылысқа 16 адам айыпталып жатыр. Көпшілігі Қорғаныс министрлігі мен әскери бөлімшелерде қызмет еткен лауазымды офицерлер. Бұған дейін белгілі болғандай, оларды 25 адвокат қорғамақшы. Процеске 1500-дей азамат шақыртылған. Барлығы жәбірленушілер .Адам саы көп болғандықтан, отырысты Шымкент әскери гарнизоны сотының ғимаратында емес, Қорғаныс министрлігінің құрамындағы әскери бөлімнің аумағында өтетін болды.
Естеріңізге сала кетейік, Арыс қаласында оқ-дәрі қоймасындағы жарылыс былтыр 24 маусымда болған еді. Соның салдарынан 3 адам қаза тауып, ондаған жан жарақаттанған. Мыңдаған үй бүлініп, тұтас Арыс халқы, яғни 45 мың тұрғын Шымкент пен көрші аудандарға көшірілген болатын.