Аргентиналықтар неге шу шығарды?

Алматы, NEGE. Марадонамен қоштасу рәсімі президент сарайында өткен. Кумирін соңғы сапарға шығарып салуға жиналғандар ғимаратқа кезекпен кірген. Алайда кейінірек аңызға айналған футболшымен қоштасу жергілікті уақыт бойынша 16:00-де аяқталатыны анықталды. Сосын сарайдың кіреберісінде тәртіпсіздіктер басталған: полиция мен Марадона фанаттары арасында қақтығыс болған.

Құқық қорғау органдары жас ағызатын гранаталарды сарай ішіне лақтырғаны айтылады. Онда фанаттар кіріп алған. Жиналған жұртты тарату үшін суатқыштар қолданылған.

Бұдан кейін билік Марадонаның денесі қойылған мәйітті президент сарайындағы залдан алып кетті. 

«Қаупісіздікті сақтау үшін табыт залдан шығарылды, сарайдың ішкі залдарынан фанаттар шығып кетпейінше осындай шешім жасалды», – деп хабарлады жергілікті телеарна тілшілері.

Аргентинаның ішкі істер министрі Вадо де Педро қақтығысқа Буэнос-Айрес билігі кінәлі деп, күш қолдануды тоқтатуды талап етті.

«Орасио Ларетту (мэр) мен Диего Сантильяны (вице-мэр) қала полициясының бассыздығын тоқтатуға шақырамыз», - деп жазды ІІМ басшысы Twitter-де.

Infobae порталының мәліметінше, тәртіпсіздік кезінде тоғыз адам ұсталған.