Апелляциялық сот Арыстанбек Мұхамедиұлының ісін қарады
Сот бұрынғы Мәдениет және спорт министрі Арыстанбек Мұхамедиұлының үкімінің күшін жоюға немесе өзгертуге негіз таппады, деп хабарлайды Астана сотының баспасөз қызметі.
Алматы, NEGE. "Астана сотының сот алқасы шағымдардың дәлелдерін зерделеп, процеске қатысушыларды тыңдап, қылмыстық істің материалдарын зерттеп, сотталғандардың кінәсінің дәлелденгені туралы сот қорытындыларымен келісті. Бірінші сатыдағы сот үкімінің күшін жоюға немесе өзгертуге негіз жоқ", - делінген хабарламада.
Үкім заңды күшіне енді.
Еске салайық, биыл 29 ақпанда Арыстанбек Мұхамедиұлы төрт бап бойынша 11 жылға бас бостандығынан айырылған болатын.