Антикордың елордалық департаментінің орынбасары сотталды
Елордада Сыбайлас жемқорлыққа қарсы іс-қимыл агенттігінің қызметкерлеріне қатысты іс бойынша (арандатушылық, айғақты фактілерді бұрмалау, азаптау, өзін-өзі өлтіруге итермелеу, жалған жала жабу) сот шешімі шықты.
Алматы, NEGE. Бұл оқиға 2018 жылдың күзінде елордалық сыбайлас жемқорлыққа қарсы іс-қимыл ұлттық бюросы жергілікті кеденшілердің арасынан парақорлар тобын әшкерелеген кезде басталған.
Содан кейін тергеу изоляторына ІІД-нің үш қызметкері алынған, олардың ішінде қалалық мемлекеттік кірістер басқармасы бастығының орынбасары Қайрат Жұмағұлов та бар.
Күдіктілердің ұсталғаны елге жарияланғанмен, жемқорлықпен күрескендердің үстінен іс қозғалған. Олар өздерінің қызметтік өкілеттіктерін асыра пайдаланды деген күдікке алынды. Белгілі болғандай, олар қылмысты өздері жоспарлап, арнайы ұйымдастырған. Алдымен олар контрабандалық жолмен алтынды алып шығуды жоспарлаған, сол үшін ақша алып, оны кейін кеденшілердің бірінің мойнына артып жіберген.
Көп ұзамай Бас көлік прокуратурасы пара алу ісін тоқтатып тастағаны таңқаларлық жағдай емес. Ал Бас прокуратура сыбайлас-жемқорлыққа қарсы қызметкерлердің іс-әрекетіндегі арандатушылықты белсенді түрде тексере бастаған-ды.
Тақырыпқа орай: «Екі түйе сүйкенсе...» Күштік құрылымдардың текетіресі немен тынады?
Өткен жылдың жазында Сыбайлас жемқорлыққа қарсы іс-қимыл ұлттық бюросының елордалық департаментінің орынбасары Шыңғыс Мырзахметов пен екі жедел уәкілі тергеу изоляторына қамалған болатын, бірақ кейін оларды бұлтартпау шарасымен үй қамағына ауыстырды.
Одан кейін сот басталған болатын. Мырзахметовтен басқа жедел уәкілдер Бауыржан Керімбеков пен Ержан Жақыпов, сондай-ақ ерекше маңызды істер жөніндегі офицер Рүстем Ерланұлы сот залынан табылды. Сот процесі сегіз айдан астам уақытқа созылды, ал сот процесі кезінде Керімбеков жұмбақ жағдайда қайтыс болған еді.
2018 жылдың 3 ақпанында «Қазводхоз» РММ-нің Алматы облыстық филиалының директоры Сейілхан Мұхамадиев Сыбайлас жемқорлыққа қарсы іс-қимыл ұлттық бюросының Талдықорған қаласындағы ғимаратының терезесінен секіріп, қаза болған еді. Сол іс бойынша ұлттық бюроның бірнеше шенді қызметкері жауапқа тартылып, қызметінен кеткен.
Бүгін Есіл аудандық сотында 2018 жылдан бері дауға ұласқан қылмыстық іс бойынша сот үкімі шықты.
Сот үкімі бойынша: Шыңғыс Мырзахметовті – 6 жылға, Ержан Жақыповты да - 6 жылға бас бостандығынан айыру жазасы кесілді. Сонымен қатар Рүстем Ерланұлының 2 жылға бостандығын шектеді.
Бізге жеткен мәліметке сенсек, 2 жылға бостандығы шектелген Рүстем Ерланұлының Алик Шпекбаевтың орынбасары болған Шыңғыс Қабдулаға туыстық жақындығы бар деседі.
