Антикор Гүлмира Сатыбалдыға қатысты тағы бір қылмыстық іс тергеліп жатқанын растады
Сыбайлас жемқорлыққа қарсы іс-қимыл агенттігі Гүлмира Сатыбалдыға қатысты тағы бір қылмыстық істің тергеліп жатқанын хабарлады.
Алматы, NEGE. Агенттіктің ресми өкілі Данияр Бигайдаровтың айтуынша, бұл іс тек Сатыбалдыға ғана емес, басқа да адамдарға қатысты жүргізілуде.
«Қазіргі уақытта агенттік Гүлмира Сатыбалды мен басқа да тұлғалардың «Восточка» көпфункционалды тұрғын үй кешенінің құрылысы кезінде заңға қайшы әрекеттерге баруына байланысты қылмыстық істі тергеп жатыр», – деді ол.
Алайда, бұл істе нақты қандай баптар бойынша тергеу жүргізіліп жатқаны әзірге жарияланбады.